❤️أكتب اسامينه يدرب العشك...

[اعتصامی]

مداحی جدید محمد الجنامی به نام «حبیبی حسین

أكتب اسامينه يدرب العشك
بالعشرة نبصم الك ما نفترك
ابهذا الزمن دورنه كل البشر
ما شفنه غير حسين صاحب صدك
ⵈ━══════╗◊╔══════━ⵈ
للناس معشوك عنوان للشوك
محبوب للروح بالخيل مسحوك
ⵈ━══════╗◊╔══════━ⵈ
منو شايف منو سامع ميت عايش بكل زمن
و اسهامه شافنه صدره بي مضيف الحسن
للضايع للخايف صارت كربلاء الوطن
ⵈ━══════╗◊╔══════━ⵈ
دك باب الحسين و يروح التعب
محد يقيم الذهب غير الذهب
دورنه صاحب ما يخون الملح
ما شفنه غير حسين صاحب صدك
ⵈ━══════╗◊╔══════━ⵈ
حبيت إنسان ينقاس قرآن
عطشان لحسين و حسين عطشان
سالفته من احجيها تبجيله السمه و النجم
عاهدته ما اعوفه حسين انطيته كمة زلم
للوادم ما أهتم هوه الوحده عندي المهم
ⵈ━══════╗◊╔══════━ⵈ
لو اعمه اندل بابه وأصل اله
رجليه كبلي اتروحله لكربله
آنه و عيوني الما يشوفن بشر
ما شفنه غير حسين صاحب صدك
ⵈ━══════╗◊╔══════━ⵈ
خدام لثنين لحسين و حسين
ولجفوف عباس رايات ماشين
علوهن راياته جف ايوصي جف بالدرب
نوصله و انزوره هاي الدنيه لو تنكلب
ⵈ━══════╗◊╔══════━ⵈ
شافونه و عرفونه يسهل يمنه كلشي صعب
هاي المواكب رزق من فاطمه
وابكيف الحسين الأرض والسمه
ابذاك الزمن كربله صاحت هله
ⵈ━══════╗◊╔══════━ⵈ
ما شفنه غير حسين صاحب صدك
يا ناس هيهات عباس ما مات
ابكل گاع تلكون لحسين خيمات
ⵈ━══════╗◊╔══════━ⵈ
خيماته ما طاحت وانشوف المواكب خيم
و الزاير ما يتعب ما دام الدرب بي خدم
من يطلب يتدلل كلها اتكله صار و نعم
ⵈ━══════╗◊╔══════━ⵈ
شيبة بخت منحزم ابموكبه
من حلكه حلوه اليا هله و مرحبه
ⵈ━══════╗◊╔══════━ⵈ
و اينادي هاي الدنيه كلها جذب
ما شفنه غير حسين صاحب صدك
شهرين وياك و للموت وياك
ايام و اسنين مذبوح نلكاك
ⵈ━══════╗◊╔══════━ⵈ
مو عشره لا عشره حبك للبشر معجزه
ايظل دائم للقائم لا ما ينكطع هالعزه
يا زينب لو صحنه حته الميت انفززه
ⵈ━══════╗◊╔══════━ⵈ
باجر يجي المهدي و يموت الظلم
و انصاره اهل الدمعه و اهل الطلم
ⵈ━══════╗◊╔══════━ⵈ
و انكله يبن الحسن اي و الحسن
ما شفنه غير حسين صاحب صدك